Ձմեռը Հայաստանը պատում է ձյան շողշողացող շերտով, և Հարավային Կովկասի այս մարգարիտի վրա իջնում է յուրօրինակ կախարդանք։ Չնայած Հայաստանը մեծ մասամբ հայտնի է իր հարուստ մշակութային ժառանգությամբ և ապշեցուցիչ լանդշաֆտներով, ձմեռային սեզոնին է, որ երկիրն իսկապես զարդարվում է բոլորովին այլ գեղեցկությամբ և հմայքով: Եթե պլանավորում եք ձմեռային արձակուրդներ, անցկացրե՛ք այն Հայաստանում, իսկ մենք կնշենք ամենահմայիչ վայրերից մի քանիսը, որտեղ դուք կարող եք վայելել ձմեռային հետաքրքիր հանգիստ.

Ձմեռային մարզաձևերի սիրահարների համար Ծաղկաձորն իսկական դրախտ է։ Այս լեռնադահուկային հանգստավայրը, որը գտնվում է Թեղենիսի լեռներում և ունի բարձրադիր լանջեր և ապշեցուցիչ տեսարաններ, ինչ շնորհիվ էլ ապահովում է էքստրիմի սիրահարներին վառ տպավորություններով: Անկախ նրանից՝ փորձառու դահուկորդ եք, թե սկսնակ, Ծաղկաձորի հարթ լեռնադահուկային գոտին հարմար է ցանկացած մակարդակի դահուկորդի համար:

Ձմռանը մայրաքաղաք Երևանը վերածվում է մի հեքիաթային դրախտավայրի։ Երևանի փողոցները զարդարվում են վառվռուն լույսերով, իսկ քաղաքի խորհրդանշական տեսարժան վայրերը, ինչպիսին է Հանրապետության հրապարակը հիացնում են իրենց կախարդական գեղեցկությամբ և ամանորյա զարդարանքներով: Բաց մի՛ թողեք երևանյան սրճարանոներում հայկական տաք սուրճ խմելու հնարավորությունը՝ դիտելով քաղաքի անցուդարձին:

Սևանա լիճը, որը հաճախ անվանում են «Հայաստանի մարգարիտ», ձմռանը սառչում է, ինչը հիանալի հնարավորություն է ստեղծում սառցե ձկնորսության սիրահարների համար: Միացե՛ք տեղացիներին սառած լճի վրա ձկնորսության ժամանակ և փորձե՛ք բռնել տեղական հայտնի ձկներից որևէ մեկը՝ սիգ կամ իշխան:

Ձմռանը Հայաստանի հնագույն վանքերը ձեռք են բերում յուրահատուկ գեղեցկություն։ Ձյունածածկ լանդշաֆտները իդեալական պայմաններ են ստեղծում ուսումնասիրելու համար այնպիսի պատմական վայրերը, ինչպիսիք են Խոր Վիրապը, Գեղարդի վանքը և Հաղպատի վանքը: 

Հայերը Սուրբ Ծնունդը նշում են հունվարի 6-ին, իսկ ամանորյա տոները նշում են մինչև հունվար։ Եկեղեցական արարողություններին, հանդիսավոր սուրբ կրակի վառմանը և տեղական ավանդույթներին մասնակցելը խորը կապ է ստեղծում հայկական մշակույթի հետ: 

Դիլիջան ազգային պարկը, որը հաճախ անվանում են «Հայկական Շվեյցարիա», ձյունածածկ անտառների և ոլորապտույտ արահետների հրաշք քաղաք է։ Զբոսնեք ձյունածածկ անտառներով և վայելե՛ք Հայաստան աշխարհի անզուգական գեղեցկությունը:

Հայաստանն ունի մի քանի բնական տաք աղբյուրներ, որոնցից մի քանիսը գտնվում են Սևանա լճի մոտ: Անհնար է պատկերացնել առավել կատարյալ հանգիստ, քան լողալ հանքային հարուստ և տաք ջրերում, մինչ շուրջ բոլորը ձնածածկ է և ձյուն է տեղում։  

Հայկական ձմեռային խոհանոցը գերում է բոլորին իր անզուգական ուտեստներով։ Համտեսե՛ք համեղ ուտեստներն ու սկսե՛ք խաշից (ավանդական ապուր), վայելե՛ք համեղ քաղցրավենիքները՝ միանշանակ չմոռանալով փորձել փախլավան, և հարմարավետ տեղավորվե՛ք տաք բուխարիի մոտ և վայելե՛ք հայկական անուշաբույր սուրճը: 

Զբոսնե՛ք լռակյաց անտառների ձյունածածկ արահետներով և բացահայտե՛ք Հայաստան աշխարհի հեքիաթային, ձյունաճերմակ գեղեցկությունը։

Հայաստանի ձմեռային բնապատկերներն անսահման հնարավորություններ են ընձեռում լուսանկարիչներին։ Անկախ նրանից՝ դուք պրոֆեսիոնալ լուսանկարիչ եք, թե պարզապես սիրում եք լուսանկարչությունը, ձնառատ լանդշաֆտների անխռով գեղեցկությունն կդարձնի ձեր լուսանկարն կատարյալ և անթերի։ 

Ձմռանը Հայաստանը վերածվում է կախարդանքի և արկածների երկրի, որտեղ ձյունածածկ լանդշաֆտների անկրկնելի գեղեցկությունը համակցվում է մշակութային հարուստ ավանդույթների հետ: Այս հնագույն և միևնույն ժամանակ անկրնելի գեղեցկություններով լի երկիրն առաջարկում է ձեզ ձմեռային անմոռանալի հանգիստ։ Այսպիսով, մի կորցրե՛ք ոչ մի վայրկյան և վերցրե՛ք տեսախցիկն ու մխրճվե՛ք այս հեքիաթային, ձյունաճերմակ երկրի անզուգական գեղեցկության մեջ։