Վայոց ձորի տեսարժան վայրերը

Հանգիստը Վայոց ձորում իդեալական է հատկապես բնասերների համար․ այս մարզը ձորերի, խոր կիրճերի, բարձրադիր լեռների, սառնորակ աղբյուրների, սրընթաց գետակների և խորհրդավոր քարանձավների երկիր է։ Բնակչության թվով Հայաստանի ամենափոքր մարզը բոլոր կողմերից լեռներով շրջապատված մի թասաձև գոգավորություն է, որը հարուստ է բազմաթիվ պատմամշակութային հուշարձաններով։ Այստեղ գործում են նաև առողջարաններ, որոնցում բավական հարմար գներ են առաջարկվում հանգստի և բուժման համար միառժամանակ։